Uzaqlaşıram

Yoxsa damarımda ram olub qanım?
Odumdan, közümdən uzaqlaşıram.
Nə bilim dərd dərdi unutduracaq,
Söz verdim, sözümdən uzaqlaşıram.   

  *             *             *

Bir diz ot gətirib gözümdə qəbrim
Qəmi qəlbdə yuyub gözümdə sərdim.
Daşıb söndürəcək odumu səbrim
Haçandı dözümdən uzaqlaşıram

   *             *             *

Ha sezdim, ha dözdüm neçə dəfəydi
O əl tərəzinin gözünü əydi.
İstədim düzəldəm düzümü əydi
Gördüm ki, özümdən uzaqlaşıram.


                                     İbad Əliyev