Gəlir ölüm yuxusu

Desəm ağ olar, gülüm.

Dağın dağ olar, gülüm.

Nədir məni uçuran,-

Ağlıma gəlir ölüm.

Düyməsiz bir köynəyin

biçilməkdə yaxası,

Yellədir ağ bayrağı

varlığımın qalası.

Domokl qılıncını

çiynim üstə vaxt asıb,-

Gedib ömrün çoxusu.

Xoş-naxoş qəbulumdur

həqiqətin gerçəyi,-

Solub ömrün çiçəyi,-

Gəlir məzar qoxusu.

Dişlərini qıcayıb

yoxsa ölüm qorxusu?!

Bəlkə çevrə qapanır,-

Gəlir ölüm yuxusu?!

  

                                İbad Əliyev, 

                                     10. 08. 2017