Sonet

Sübhəcən narahat uzanar gecəm,
Həsrəti geyinər səhər
Sənli xatirələr hey pərdə pərdə
Lent kimi gözlərin önündən ötər.

*************************

O sözsüz, o səssiz nəğmə ruhumda
Qəfəsdə quş təki ürək döyünər
Darağı küləkdən, sığalı gündən
Saçının əlində həsrəti göynər

*************************

O sevgi kəsilmiş yaşıl çinarsa,
Pöhrə atmalıydı bir gün gövdəsi.
Qəzavü-qədərin uğruna çıxan
Uğursuz bir tale şəriki bizik.

*************************

Xatirə oduna illər uzunu
Ürək qızdıralı, əllər uzalı.

                                           
                                                 İbad Əliyev