Məhəmməd

                                                 
                                  
                                               Məhəmməd peyğəmbərə...

Vəsfə gəlməz gözəlliyi, cəlalı.

Nuri-Turdu işıqsaçan cəmalı.

Hidayətdi Yaradana kəmalı.

Həm tənimdi, həm canımdı Məhəmməd.

     *               *               *

O, qüdrətdi-ehtişamlı bir nəhəng,

Vurar qəlbim təqvasıyla həmahəng.

Quranıdır bağçasından bir çələng,

Eşq taxtında Sultanımdı Məhəmməd.

     *               *               *

Bir qətrəyəm,-bir Ümmanın qətrəsi,

Bir zərrəyəm,-Yaradanın zərrəsi,

Dərgahına dönəsiyəm, dönəsi,

Cahanımdı, cahanımdı Məhəmməd.

İbad Əliyev